WELCOME!


A Welcoming Note to my surfer-readers!
I'd appreciate any constructive comment from YOU.

Selamat Datai ngagai bala pemacha blog!




dâEÂK áEDF aEâE cÂEAE
[selamat] [datai] [bala] [pemacha]

Saturday, February 18, 2012

Pasal Urup Iban Dunging

Selamat betemu enggau bala surfers...lama udah aku enda ngenguk blog aku tu...aku deka madahka: Pasal Urup Iban Dunging deka ditaburka ba slot pagi 7.15, radio yfm, tiap2 hari lima (friday) sepengelama 15 minit. Anang enda mendingka slot pasal Urup kitai Iban.

Wednesday, March 10, 2010

Pemujur Tulis Dunging

Kelimpah ari ti udah ngaga software LaserIban, aku diatu ngarapka tulis nya ulih diterima masuk dalam silibus jaku Iban di sekula. Nyalai aku agi ngiga cara ti ulih ngaduka tulis nya awakka masuk dalam silibus jaku Iban. Bedau lama ti udah, aku bisi dipanggil sida Universiti Pendidikan Sultan Idris (UPSI) nulong sida iya interbiu raban pensyarah kitai Iban ti ke diambi sida ngemeranka Unit Bahasa Iban di UPSI. Tu meh ti keterubah Unit Bahasa Iban dipenyadika di tikas universiti di Malaysia. Nyadi UPSI udah ngambi dua iko pensyarah kitai Iban enggau siko felo kena muka Unit Bahasa Iban tu, ti start dalam kandang setaun ari diatu. Unit nya ngajar nembiak kitai Iban di UPSI ti ngambi major Bahasa Melayu tang minor Bahasa Iban. Aku ngarapka aku ulih berengkah mai tulis Dunging tu ngagai pelajar bahasa Iban di UPSI kelimpah ari ti betemu enggau sida Unit Etnik Bahasa di Putrajaya. Kelimpah ari ti bisi kaul enggau UPSI, aku mega udah mantaika tulis Dunging tu dalam Sarawak Gazette ti udah direkodka sida Opis Kepala Menteri Sarawak ari siti dokumen beguna dalam menua Sarawak.

From wooden tablet to computer software - Tulis Dunging

Nyadi tulis aki Dunging tu ditengkebangka iya dalam taun 1947, maia iya ti digelar orang semenua 'Saudagar' laban iya amat beduit asil ari ti bejual getah pera. Keterubah iya nengkebang tulis nya bisi 77 leka. Udah nya semanjai taun ari 1947 ngagai 1962 iya ngaluska tulis nya, lalu mayuh leka enda agi dikena sampaika ti nyata jadi baka ka diatu, 59 leka urup. Nyadi tusun urup aki Dunging tu nadai tentu beratur. Nyalai amat pedis orang ti ka nguji ngingatka leka urup iya tu. Bepun ari nya, aku lalu nguji ngatur urup iya ngena sistem urup latin (alphabetical order). Leboh maia aku ngemanjaika tulis iya ngagai siti kompeni US ti benama Linguist Software di Edmonds Washington DC, dia sida pan ngasuh aku ngatur nitihka cara latin alphabet (ABC). Lalu sida LinguistSoftware tu tadi udah nembuka software tulis Dunging ti dikumbai sida iya LaserIBAN, tau dikena naip dalam Windows enggau Macintosh. Software tu ulih dibeli ari sida LinguistSoftware tang rega iya amat pama, USD100. Nyadi enti meli ari aku, rega iya bisi kurang agi semina aku lalu bedau netapka berapa rega ti patut ba raban kitai Iban. Nyalai enti kita bisi meda gaya font dalam blog tu, font nya ka bendar tulis aki Dunging tang laban kita nadai ngembuan software laserIban, nyalai tulis Dunging pansut dalam font ti nyelai. Bakanya ko jerita pasal pemansang tulis Aki Dunging ti dikangauka kami di menua din Aki Piek, laban iya diau menya di menua Piek.

Cherita Asal Aki Dunging

Aki Dunging tu bisi lima iko diri menyadi nyengkaum iya empu. Bala menyadi iya, Munan, Engkasan, Mawan, enggau Mapan. Nyadi aki aku ti ngadaka indai aku ianya Mawan. Nyalai Aki Dunging tu pan endang asai aki endar aku laban iya menya selalu nemuai ngagai kami lebuh maia iya ti bedagangka perengka tinchin sebelah menua Lubok Antu. Dunging tu meh biak endar ke sida semenyadi. Nyadi bini Dunging tu dikangau ka kami Ini' Anggai. Nyadi seduai iya nadai anak tang bisi ngiru anak, ianya Uncle aku, Mr. Bagat Nunui (anak menyadi bini Dunging empu). Mr. Bagat tu tadi lalu bebini ngambi menyadi indai aku, nya alai tak semak endar meh bala putar kami sebilik. Mr. Bagat tu meh ti ngemendarka aku ngemajuka tulis aki Dunging tu. Diatu bilik Dunging ditampung ulih Mr. Bagat ti lalu jadi Tuai Rumah bala di Nanga Ulai, Ulu Rimbas, Debak, pegai Betong. Tu semina jerita ngelansa pasal kaul aku enggau aki Dunging tu, lalu mimit pasal penatai iya. Ari jaku tusoi bala sida aya aku, agi mengkang mayuh meh jerita aki Dunging tu. 

Thursday, February 25, 2010

International Conferences for Dunging's Alphabet

I will be presenting a paper entitled, 'Iban Alphabet: A Revival' at the 7th International Conference of the Malaysian Social Science Association, in USM, Penang from 16-18 March 2010.

I will be presenting a paper entitled, 'Iban Alphabet: Training and Documentation' at the 1st Borneo International Conference of Languages and Literatures (BICOLL), in Riverside Majestic Crowne Plaza, Kuching from 8-9 June 2010.

I will be presenting another paper entitled, 'Iban Alphabet: From mythical origin to intellectual invention' at the 10th Biennial Borneo Research Council Conference, Curtin University of Technology Sarawak, Miri from 5-7 July 2010.

Tu meh ripih atur pejurai 2010, aku deka bejurai ka pasal tulis Dunging tu awakka ditemu bala mayuh ukai semina ari raban kitai Iban tang mega ari bala raban bansa bukai.

Wednesday, February 24, 2010

Tabi bala pemacha weblog...

Keterubah aku meri besai terima kasih ngagai bala kita ti sanggup ngetu nyengok webblog Tulis Iban Dunging tu. Aku enggau ati ti gaga deka ngemajuka Tulis Aki Dunging kitai tu ti ditengkebangka iya kelia jeman tang tau dikena kitai nulis jaku Iban. ba dunya moden tu .Aku ngelaluka sebarang komen tauka cadangan ari bala kita mayuh kena kitai sama bela ngemajuka tulis kitai Iban. Arapka aku ulih meri balas enggau jampat ngagai bala komen tauka cadangan kita mayuh.


aCvâL cLâr